Belgili ánshi, prodiýser Qydyráli Bolmanov Mádeniet jáne sport ministriniń keńesshisi bolyp taǵaiyndaldy, dep habarlaidy "Ult aqparat".
Aqparatty mádeniet jáne sport ministrligi rastady.
"Bul aqparat ras. Qydyráli Bolmanov QR mádeniet jáne sport ministri Aqtoty Raiymqulovanyń mádeniet salasy boiynsha keńesshisi bolyp taǵaiyndaldy", - dedi vedosmtvo basshysynyń keńesshisi Erlan Jurynbaev.
Biraq ol sheshimniń qashan qabyldanǵanyn naqty aita alǵan joq.
"Bul sheshim búgin qabyldanǵan shyǵar. Ol jaǵyn naqty aita almaimyn", - dedi mádeniet jáne sport ministriniń keńesshisi.
Qydyráli Bolmanov 1964 jyly 19 mamyr kúni Qaraǵandy oblysy Ulytaý aýdany dúniege kelgen.
Elimizdegi tanymal toptardyń biri bolǵan "ABK" tobynyń negizin qalaýshy, múshesi jáne bas prodiýseri, ánshi, kásipker, Qazaqstan jastar odaǵy syilyǵynyń jáne "Daryn" memlekettik syilyǵynyń laýreaty, "Qurmet" ordeniniń iegeri (2013), filosofiia ǵylymdarynyń Phd doktory.
Sondai-aq Qydyráli Bolmanov – "Ulytaý" tobynyń prodiýseri. Jubaiy – tanymal ánshi Qaraqat Ábdildina. 5 balasy bar.
Sondai-aq, Qydyráli Bolmanov 2005-2008 jyldar aralyǵynda Almaty qalasynda mádeniet basqarmasynyń direktory, Astana qalasynda mádeniet departamentiniń basshysy mindetin atqarýshy qyzmetin atqarǵan bolatyn.
