Tanymal qazaq ánshisi Qaraqat Ábildina jubaiy Qydyráli Bolmanovtyń QR mádeniet ministriniń keńesshisi bolýyna qatysty Instagram-daǵy jeke paraqshasynda pikir bildirdi.
"Qydekeńniń eńbekqorlyǵyn menen jaqsy biletin adam joq shyǵar. Mádeniet salasynda júrgende jarǵaq qulaǵy jastyqqa timei kún, tún demei berilip isteitin jumysyn. Birazdan beri mádeniet salasynan alystap ketip edi", - deidi Qaraqat postynda.
Alaida prodiýserdiń jary Qydyráli Bolmanovtyń ne sebepti mádeniet salasynan alshaqtap ketkenin ashyp aitpai, "ol endi uzaq áńgime" dep qupiia saqtaýdy jón kórdi.
"Halyqtyń arasynan "Qydekeń nege jaýapkershiligi bar jumystarǵa barmaidy?" degen pikirlerdi estip te júrmiz, áleýmettik jeliden ózderińiz de oqyp júrsizder. Qydekeńe mundai qyzmet tańsyq emes qoi. Almaty men Nur-Sultan siiaqty megapolisterdiń mádenietin basqaryp turǵanda qandai úlken is sharalardy abyroimen atqarǵanyn kópshilik bilip otyr. Ulytaýdyń álemdik deńgeige kóterilgeni de Qydekeńniń eńbegi! Bireý bilip, bireý bilmes - meniń mektebimdegi jas jetkinshekterden ulttyq aspaptarmen orkester qurý jáne ony barlyq oblysta jalǵastyrý da Qydekeniń ideiasy!" - dep jalǵastyrdy ol.
Ári qarai Qaraqat Ábildina osy bir jaýapkershiligi mol qyzmetti mádeniet ministri Aqtoty Raiymqulovanyń ózi shaqyryp alyp usynǵanyn, Qydyráli Bolmanov birden qabyl alǵanyn atap ótti.
"Allanyń qorǵaýymen, alashtyń qoldaýymen azamatymyz alǵa shyǵyp jatsa, qalai qýanbaiyq? Bul qyzmettiń ataǵy emes abyroiy mańyzdy! Barlyq janashyrlymyzǵa myń alǵys!" - dep sózin aiaqtady ánshi.
Aita ketsek, juldyzdy jup Qaraqat Ábildina men Qydyráli Bolmanovtyń otasqanyna 20 jyl tolǵan, osy ýaqyt aralyǵynda 5 balasy ómirge keldi. Tórt uldyń artynan 2017 jyly súikimdi qyzdary jaryq dúnie esigin ashyp, ata-anasyn baqytqa bólegen.
