Júktilikti vaktsinalaýdan keiin 2 ai ótken soń josparlaýǵa bolady. Bul týraly QR DSM Qoǵamdyq densaýlyq saqtaý ulttyq ortalyǵy basqarma tóraǵasynyń orynbasary Ainagúl Qýatbaeva málim etti, dep habarlaidy QazAqparat.
«Bul taqyryp kópti oilandyryp júrgen belgili. Qazirgi kezde vaktsinany alýdy nemese júktilikti josparlap otyrǵan áielderdiń saýalyna toqtalsaq, júktilikti vaktsinatsiiadan keiin 2 ai ótken soń josparlaýǵa bolady. Sebebi aǵzada tolyq immýnitet qalyptasady. Eriktilerdiń arasynda júkti áielderdiń bolmaýyna bailanysty bul vaktsinanyń júkti áielderdiń aǵzasynda qalai júretini týraly ǵylymi málimetimiz joq. Soǵan bailanysty osyndai sheshim qabyldanyp otyr», - dedi Qýatbaeva Ortalyq kommýnikatsiialar qyzmetinde.
Onyń aitýynsha, ýaqyt óte kele ǵylymi jumystardyń nátijesine bailanysty bul baǵyttaǵy táselder ózgerýi múmkin.
«Sondyqtan vaktsinalaýdan keiin 2 ai ótken soń júktilikti josparlai berýge bolady», - dep naqtylady Ainagúl Qýatbaeva.
