جٷكتٸلٸكتٸ ۆاكتسينالاۋدان كەيٸن 2 اي ٶتكەن سوڭ جوسپارلاۋعا بولادى. بۇل تۋرالى قر دسم قوعامدىق دەنساۋلىق ساقتاۋ ۇلتتىق ورتالىعى باسقارما تٶراعاسىنىڭ ورىنباسارى ايناگٷل قۋاتباەۆا مەلٸم ەتتٸ, دەپ حابارلايدى قازاقپارات.
«بۇل تاقىرىپ كٶپتٸ ويلاندىرىپ جٷرگەن بەلگٸلٸ. قازٸرگٸ كەزدە ۆاكتسينانى الۋدى نەمەسە جٷكتٸلٸكتٸ جوسپارلاپ وتىرعان ەيەلدەردٸڭ ساۋالىنا توقتالساق, جٷكتٸلٸكتٸ ۆاكتسيناتسييادان كەيٸن 2 اي ٶتكەن سوڭ جوسپارلاۋعا بولادى. سەبەبٸ اعزادا تولىق يممۋنيتەت قالىپتاسادى. ەرٸكتٸلەردٸڭ اراسىندا جٷكتٸ ەيەلدەردٸڭ بولماۋىنا بايلانىستى بۇل ۆاكتسينانىڭ جٷكتٸ ەيەلدەردٸڭ اعزاسىندا قالاي جٷرەتٸنٸ تۋرالى عىلىمي مەلٸمەتٸمٸز جوق. سوعان بايلانىستى وسىنداي شەشٸم قابىلدانىپ وتىر», - دەدٸ قۋاتباەۆا ورتالىق كوممۋنيكاتسييالار قىزمەتٸندە.
ونىڭ ايتۋىنشا, ۋاقىت ٶتە كەلە عىلىمي جۇمىستاردىڭ نەتيجەسٸنە بايلانىستى بۇل باعىتتاعى تەسەلدەر ٶزگەرۋٸ مٷمكٸن.
«سوندىقتان ۆاكتسينالاۋدان كەيٸن 2 اي ٶتكەن سوڭ جٷكتٸلٸكتٸ جوسپارلاي بەرۋگە بولادى», - دەپ ناقتىلادى ايناگٷل قۋاتباەۆا.
