QR Aqparat jáne qoǵamdyq damý vitse-ministri Bolat Tilepov ulttyq kompaniialardyń qaisysynda qoǵamdyq keńester jumys isteitinin aitty, dep habarlaidy QazAqparat.
«Zańnamadaǵy bul jańalshyldyq biyl engizilgen bolatyn. Búgingi tańda kvazimemlekettik sektordyń 12 sýbektisinde qoǵamdyq keńester quryldy. Mende tizimi bar. Ulttyq kompaniialardyń ishinde Kazakh Invest, Qazaqstan ǵarysh sapary», KazakhExport, QazExpoCongress, «Qazgeologiia», «Azyq-túlik korporatsiiasy», Kazakh Tourism, «QazAvtoJol» jáne «Ulttyq aqparattyq tehnologiialar ortalyǵy» AQ bar. Sondai-aq, «Báiterek UBH» AQ, «Zerde» jáne Kazakhstan Engineering ulttyq kompaniialary qoǵamdyq keńesterin qurdy», - degen ministrlik ókili jyl aiaǵyna deiin taǵy birneshe kvazimemlekettik kásiporyn janynan osyndai keńes ashylatynyn jetkizdi.
«Jyldyń aiaǵyna deiin «Samuryq Qazyna» qlttyq ál-aýqat qorynyń janynan qoǵamdyq keńes ashylady. Onyń da birneshe iri ulttyq kompaniianyń biriktiretin qurylym ekenin ózderińiz bilesizder» - edi Aqparat jáne qoǵamdyq damý ministriniń orynbasary Bolat Tilepov.
