Foto: Tengrinews.kz
Ádilet ministri Qanat Mýsin elordanyń atyn Astana dep ózgertken jaǵdaida qazaqstandyqtar qujattaryn ózgertýge mindetti bolmaitynyn aitty, - dep habarlaidy Tengrinews.kz.
Parlament palatalarynyń birlesken otyrysynda depýtattar ministrden elorda ataýy ózgergen jaǵdaida qujat ózgertý qajet pe dep surady.
"Azamattarǵa qujattardy ózgertý qajet emes. Qujatta qalanyń burynǵy ataýy tursa da, jaramdy bolady. Halyqqa qyzmet kórsetý ortalyqtary azamattardyń qujattaryn sol qalpynda qabyldaidy. Qalalyq máslihat qalanyń atyn ózgertý máselesi qaralǵan kezde qosymsha shyǵyndar bolmaitynyn aitqan bolatyn.
Kóshe, mańdaishalardy ózgertýge keler bolsaq... Asyǵys ózgertýdiń qajeti bolmaidy. Bul úderister biýdjettik qarajatqa bailanysty josparly túrde ótedi. Búginde qujat ainalymy tsifrlyq formatta júrgiziletindikten qosymsha shyǵyn bolmaidy", - dedi Qanat Mýsin depýtattyq saýalǵa jaýap bere otyryp.
