فوتو: Tengrinews.kz
ەدٸلەت مينيسترٸ قانات مۋسين ەلوردانىڭ اتىن استانا دەپ ٶزگەرتكەن جاعدايدا قازاقستاندىقتار قۇجاتتارىن ٶزگەرتۋگە مٸندەتتٸ بولمايتىنىن ايتتى, - دەپ حابارلايدى Tengrinews.kz.
پارلامەنت پالاتالارىنىڭ بٸرلەسكەن وتىرىسىندا دەپۋتاتتار مينيستردەن ەلوردا اتاۋى ٶزگەرگەن جاعدايدا قۇجات ٶزگەرتۋ قاجەت پە دەپ سۇرادى.
"ازاماتتارعا قۇجاتتاردى ٶزگەرتۋ قاجەت ەمەس. قۇجاتتا قالانىڭ بۇرىنعى اتاۋى تۇرسا دا, جارامدى بولادى. حالىققا قىزمەت كٶرسەتۋ ورتالىقتارى ازاماتتاردىڭ قۇجاتتارىن سول قالپىندا قابىلدايدى. قالالىق مەسليحات قالانىڭ اتىن ٶزگەرتۋ مەسەلەسٸ قارالعان كەزدە قوسىمشا شىعىندار بولمايتىنىن ايتقان بولاتىن.
كٶشە, ماڭدايشالاردى ٶزگەرتۋگە كەلەر بولساق... اسىعىس ٶزگەرتۋدٸڭ قاجەتٸ بولمايدى. بۇل ٷدەرٸستەر بيۋدجەتتٸك قاراجاتقا بايلانىستى جوسپارلى تٷردە ٶتەدٸ. بٷگٸندە قۇجات اينالىمى تسيفرلىق فورماتتا جٷرگٸزٸلەتٸندٸكتەن قوسىمشا شىعىن بولمايدى", - دەدٸ قانات مۋسين دەپۋتاتتىق ساۋالعا جاۋاپ بەرە وتىرىپ.
