Sinoptikter 3-5 qyrkúiek kúnderine arnalǵan aýa raiy boljamyn jariialady, dep habarlaidy "Ult aqparat" «Qazgidromet» RMK baspasóz qyzmetine silteme jasap.
Qazaqstannyń soltústik jartysyna jańbyr men sýyqty ala kelgen tsiklon aldaǵy úsh táýlikte de respýblikanyń batys, soltústik jáne ortalyq oblystaryna óz yqpalyn tigizedi. Al tsiklonǵa bailanysty sýyq atmosferalyq fronttar ońtústik, sodan soń ońtústik-shyǵys jáne shyǵys oblystarǵa qarai jyljidy. Tsiklon jáne fronttardyń áserinen respýblika boiynsha jańbyr jaýyp, naizaǵai oinaidy. Ońtústik oblystarda temperatýra tómendep, al soltústik oblystarda aýa temperatýrasy klimattyq normadan 3-6°S tómen bolady.
Qazaqstannyń batys, soltústik jáne ortalyq óńirleriniń jekelegen aýdandarynda túngi ýaqyttarda 1...3°S úsik júrýi múmkin.
