Qazaqstandyqtardyń alty paiyzy ǵana kúizeliske ushyramaǵan, al tek 24 paiyzy tańerteń uiqysyn qandyryp turady.
"Laboratoriia proektov" zertteý kompaniiasy júrgizgen saýalnamaǵa 18 ben 60 jas aralyǵyndaǵy 310 qazaqstandyq qatysypty.
Saýalnamaǵa qatysqan qazaqstandyqtardyń 32 paiyzy salaýatty ómir saltyn ustanamyn dep sanaidy. Respondentterdiń jartysynan astamy, iaǵni 54 paiyzy kúizeliske ushyraǵanyn aitqan. Al 92 paiyzy tamaqtaný ádetin ózgertý nemese kún tártibin saqtaý arqyly ómir súrý saltyn túzetpek. 14 paiyzy jaman ádetterden arylǵysy keledi eken.
"Saýalnamaǵa qatysqandardyń 51 paiyzy uiqysy qanbaitynyn nemese "jaman tús" kóretinin aityp shaǵymdandy. Respondentterdiń tórtten bir bóligi ǵana uiqysyna qanaǵattanady. Jaýap bergen árbir tórtinshi adam sońǵy aida durys uiyqtaý nemese ózin jaqsyraq seziný úshin dári-dármekke júginýge májbúr bolypty", — dep atap ótti zertteý komiteti.
Ýaqytyn qalai paidalanatyny týraly suraqqa jaýap berýshilerdiń 56 paiyzy kún tártibin saqtap, kúndelikti tapsyrmalaryn 70-100 paiyzǵa oryndaitynyn aitqan.
Respondentterdiń úshten biri josparlaǵan sharýalarynyń jartysyn ǵana tyndyryp úlgeredi, al qalǵan 10 paiyzy kúndelikti jumystarynyń 20 paiyzyn ǵana atqaratynyn moiyndady.
