Óńirde Astananyń 20-jyldyǵyna 3000-nan astam is-sharalar ótedi. Bul týraly Óńirlik kommýnikatsiialar qyzmetindegi baspasóz konferentsiiasy barysynda oblystyq mádeniet basqarmasynyń basshysy Marjan Qorǵanbaeva habarlady.
Óńirde Astananyń 20- jyldyǵyna ushtastyrylǵan is-sharalar 2017 jyldyń 10 jeltoqsanynda «Elimniń júregi – Astana» jastar forýmymen, sondai-aq, «Mýzart» tobynyń 2 kúndik kontsertimen bastalǵanyn eske sala ketkimiz keledi.
«Óńirlerdegi Astana Kúnin ótkizý jónindegi is-sharalar Aqtóbe oblysynan bastaldy, onda «Elordadan elge sálem» ataýymen merekelik kontsertter ótkizildi, sol siiaqty, teatrlandyrylǵan qoiylymdar uiymdastyryldy. Oblys basshylyǵynyń qoldaýymen aqtóbelik shyǵarmashylyq ujymdar Reseidegi, Túrkiiadaǵy, Italiiadaǵy, Indiiadaǵy festival-konkýrstarǵa qatysty. Oblystyń Orynbor oblysymen shekaralas bes aýdanynda «Astana – arman qala» atty mádeni is-sharalar, al Ózbekstannyń Núkis qalasynda «Aqtóbe-Núkis: áriptestik pen ózara yntymaqtastyq» ataýymen birlesken kontsert ótkizildi», - dedi Marjan Qorǵanbaeva.
Tutastai alǵanda, Astananyń 20-jyldyǵyna óńirde 3-ǵa jýyq mádeni-buqaralyq is-sharalar, taqyryptyq konferentsiialar, simpoziýmder, dóńgelek ústelder, sporttyq is-sharalar, estrada juldyzdarynyń kontsertteri, 25 óndiristik jáne áleýmettik mańyzdy nysandar, «20 qaiyrymdy is» is-sharalaryn ótkizý josparlanǵan.
25 maýsymda mádeniet jáne óner qairatkerleri, belsendi jastar qatysqan, Qyzylorda, Ońtústik Qazaqstan, Jambyl, Almaty, Qaraǵandy oblystarynda jáne taǵy da 11 eldimekende bolatyn «Qutty meken Aqtóbeden – araily Astanaǵa» avtokerýeni jolǵa shyqty. 1 shildede avtokerýen 5170 shaqyrym jol júrip, Astanaǵa jetedi, osy jerde merekelik kontsert uiymdastyrylatyn bolady.
Osy jylǵy shildede bastalatyn «Týǵan jerim-nurly elim» Aqtóbe oblysy aýdandarynyń kúni de Astananyń 20-jyldyǵy aiasynda uiymdastyrylatyn bolady. Odan basqa, óńirde «Astana - bolashaq bastaýy» uranymen is-sharalar kesheni bastaldy.
30 maýsym-6 shilde aralyǵynda Aqtóbe oblysynda "Plain Air" kórkemóner simpoziýmy, shildede– "Án-ǵumyr" respýblikalyq retro festivali, "Dala akkordy – Stepnoi akkord" bard ánderin oryndaýshylardyń halyqaralyq festivali, altamyzda - respýblikanskii konkýrs estrada oryndaýshylarynyń «Jibek joly» respýblikalyq konkýrsy bolady.
2018 jylǵy 30 maýsymda Ǵ.Jubanova atyndaǵy oblystyq filarmoniianyń Qazaq kameralyq hory Astana qalasyndaǵy «Qazanat» ippodromyndaǵy «Etnoaýyl» ulttyq-mádeni kesheniniń jumysyna, 2 shildede – «Jarqyraǵan Astana», «Shine Astana» saltanatty óleńiniń premerasyna qatysady.
