Mańǵystaý oblysy ákiminiń orynbasary bolyp Álimuhammed Quttumuratuly taǵaiyndaldy, - dep habarlaidy "Ult aqparat" ákimdiktiń baspasóz qyzmetine silteme jasap.
Álimuhammed Quttumuratulynyń "ekonomika" jáne "quqyqtaný" mamandyqtary boiynsha eki joǵary bilimi bar, sondai-aq, ol - Resei prezidenti janyndaǵy Resei halyq sharýashylyǵy jáne Memlekettik qyzmet akademiiasynyń MPA (Master of Public Administration) magistranty.
Eńbek jolyn kommertsiialyq qurylymdardan bastaǵan.
- 2008 jyldan 2012 jylǵa deiin jergilikti atqarýshy organdar júiesinde túrli laýazymdardy atqardy.
- 2012-2016 jyldary Oral qalasy ákiminiń orynbasary, Atyraý oblysy ákimi apparatynyń basshysy, Atyraý oblysy Tabiǵi resýrstar jáne tabiǵat paidalanýdy retteý basqarmasynyń basshysy qyzmetterin atqarǵan.
- 2016 jyldan 2017 jylǵa deiin Mahambet aýdanynyń ákimi qyzmetin atqardy.
- 2017-2018 jyldary - Atyraý oblysy Jylyoi aýdanynyń ákimi.
- 2020 jyldyń qyrkúieginen bastap búgingi kúnge deiin "Jaiyqmunai" JShS Bas direktorynyń orynbasary qyzmetin atqardy. Álimuhammed Quttumuratuly 2021 jyldyń qyrkúieginen bastap Mańǵystaý oblysyn basqaryp otyrǵan Nurlan Noǵaev Atyraý oblysynyń ákimi bolǵanda da birge jumys istegen.
Nurlan Noǵaev oblys jańa orynbasaryn tanystyryp, birqatar naqty mindetter qoidy.
Aita keteiik, buǵan deiin oblys ákiminiń orynbasary qyzmetin Nurlybai Aqqulov atqaryp kelgen bolatyn. Ol densaýlyq jaǵdaiyna bailanysty óz erkimen ketkeni habarlandy.
