QR Aýyl sharýashylyǵy vitse-ministri Gúlmira Isaeva qus tumaýynan shyǵynǵa batqan sharýa iesiniń ótemaqy alý tártibin túsindirip berdi, dep habarlaidy QazAqparat.
«Ótemaqy alý tártibi qarapaiym: qusy qyrylǵan sharýa iesi bankterdiń birinen jeke shot ashady. Al sol sharýa iesi turatyn aýdan ákimdiginiń veterinarlyq qyzmeti qyrylǵan qustardyń ýtilizatsiialyq aktisin beredi. Osydan keiin ákimdikterdiń janynan qurylǵan arnaiy komissiia ár aimaq boiynsha úi qusynyń (taýyqtyń nemese qazdyń, úirektiń) ortasha baǵasyn shyǵarady. Osylaisha, Epizootiiaǵa qarsy respýblikalyq otriad tiisti málimetterdi jinaidy: máselen jeke sharýa iesiniń 10 bas qusy qyrylsa, onda sol aimaqta belgilengen qustyń ortasha baǵasy osy 10 qusqa kóbeitilip, shyqqan soma úsh kúnniń ishinde sharýa iesiniń shotyna túsedi», - dedi vitse-ministr búgin OKQ-da ótken baspasóz máslihatynda.
