QR Aýyl sharýashylyǵy vitse-ministri Gúlmira Isaeva qus tumaýynan shyǵynǵa batqan sharýa ielerine memleketten 400 mln teńge bólinetinin málim etti, dep habarlaidy "Ult aqparat".
«Epizootiiaǵa qarsy respýblikalyq otriad qyrylǵan qus úshin ótemaqy tóleitin resmi uiym sanalady. Jyl boiy ákimdikterde qyrylǵan mal men qustyń naryqtaǵy qunyn aiqyndap beretin arnaiy komissiialar jumys isteidi. Ákimdikterdiń sheshimine sáikes epizootiiaǵa qarsy respýblikalyq otriad aimaqtyń veterinarlyq qyzmetinen kerekti materialdardyń bárin alyp, qusy qyrylǵan árbir sharýa iesiniń shotyna ótemaqy aýdarady. Eger qujattardyń bári durys bolsa, ótemaqy úsh kúnniń ishinde túsýi kerek. Búgingi tańda otriadta 390 mln teńge jinaqtalǵan. Osy soma jeke sharýashylyqta baǵylǵan jáne qus tumaýynan qyrylǵan qustardyń baǵasynyń aiqyndalýymen ótemaqy retinde beriledi», - dedi Gúlmira Isaeva OKQ-da ótken baspasóz máslihatynda.
