Jambyl oblysy Merki aýdanynda segizinshi synyptyń oqýshysy oq jaraqatynan qaza boldy, dep habarlaidy QazAqparat.
Merki aýdany politsiia bólimine aýdandyq ortalyq aýrýhanadan Teskentoǵan aýylynyń kámeletke tolmaǵan 14 jasar turǵyny pnevmatikalyq qarýdan atylǵan oqtan alǵan dene jaraqatynan qaitys bolǵany týraly habar túsken.
Oqiǵa ornyna jetken jedel-tergeý toby qaza bolǵan bala óziniń dosymen birge ata-anasynyń ruqsatynsyz qarýdy alyp, dalada qus atyp júrgen kezinde jaraqat alǵanyn anyqtady.
«Atalǵan derek tirkeldi. Qazirgi ýaqytta Jambyl oblysy politsiia departamentiniń qyzmetkerlerinen jedel-tergeý toby qurylyp, oqiǵanyń búkil mán-jaiyn anyqtaý jáne obektivti zertteý maqsatynda tergeý júrip jatyr. Qazaqstan Respýblikasy Qylmystyq protsestik kodeksiniń 201-babyna sáikes, tergep-tekserýdiń basqa derekteri jariialanýǵa jatpaidy»,-delingen politsiia departamenti baspasóz qyzmetiniń habarlamasynda.
Osy oraida vedomstvo búkil ata-analarǵa balalaryńa abai bolýdy, tirkelgen qarýdy zańmen belgilengen tártipte saqtaýǵa shaqyrady.
