Braziliianyń soltústiginde ornalasqan qurylys alańynan jumysshylar uzyndyǵy 10 metr, diametri 1 metr jáne salmaǵy 400 keli alyp anakondany tapty, - dep jazady Daily Mail.
Baýyrymen jorǵalaýshy janýar Para shtatyndaǵy úńgirlerdiń birinen tabylǵan. Qurylysshylar úńgirdegi bóget soǵylǵan jerde basqarylatyn jarylǵysh zatty atqan kezde ǵana osy jylandy kórgen. Sodan olar shynjyr men kótergish krannyń kómegimen anakondany ilip qoiyp, ony sýretke túsirgen.
Aita keteiik, Jelide kóptegen qoldanýshy jumysshylardy anakondanyń sirek túrin óltirdi degen boljamdardy aityp jatyr. Alaida bul málimet áli rastalǵan joq.
Anakondalar - qazirgi ýaqytta eń úlken jylandardyń biri. Biraq ǵalymdar osyǵan deiin uzyndyǵy toǵyz metrden asatyn anakondany kórmegen de eken.
Aita keteiik, Ginnesstiń rekordtar kitabyna sáikes eń alyp jylannyń uzyndyǵy - 7,6 metr.
