QMA Atyraý oblysynda asa iri mólsherde biýdjet qarajatyn jymqyrý deregi boiynsha sotaldy tergep-tekserý jumystaryn aiaqtady, - dep habarlaidy "Ult aqparat" vedomstvo málimetine silteme jasap.
"Áleýmettik nysandar, mektep, 2 otbasylyq dárigerlik ambýlatoriia, sporttyq-saýyqtyrý kesheni qurylysyna bólingen asa iri mólsherde biýdjet qarajatyn jymqyrý deregi boiynsha "Atyraý oblysy Qurylys basqarmasy" MM-nyń laýazymdy tulǵalary men "Tehnika-Rem stroi" JShS-nyń basshysyna qatysty sotaldy tergep-tekserý júrgizý aiaqtalyp, sotqa joldandy. Anyqtalǵan aqsha jymqyrý kólemi 467 million teńge. JShS-nyń basshysyna qatysty "kúzetpen ustaý" bultartpaý sharasy qoldanyldy", - delingen habarlamada.
QMA málimetinshe, seriktestiktiń 79 million teńge kólemindegi múlkine tyiym salyndy. Al, Atyraý oblysy qurylys basqarmasy basshysynyń burynǵy orynbasaryna jáne taǵy da bir tapsyrysshyǵa qatysty "úiqamaqta ustaý" bultartpaý sharasy qoldanylǵan.
