قما اتىراۋ وبلىسىندا اسا ٸرٸ مٶلشەردە بيۋدجەت قاراجاتىن جىمقىرۋ دەرەگٸ بويىنشا سوتالدى تەرگەپ-تەكسەرۋ جۇمىستارىن اياقتادى, - دەپ حابارلايدى "ۇلت اقپارات" ۆەدومستۆو مەلٸمەتٸنە سٸلتەمە جاساپ.
"ەلەۋمەتتٸك نىساندار, مەكتەپ, 2 وتباسىلىق دەرٸگەرلٸك امبۋلاتورييا, سپورتتىق-ساۋىقتىرۋ كەشەنٸ قۇرىلىسىنا بٶلٸنگەن اسا ٸرٸ مٶلشەردە بيۋدجەت قاراجاتىن جىمقىرۋ دەرەگٸ بويىنشا "اتىراۋ وبلىسى قۇرىلىس باسقارماسى" مم-نىڭ لاۋازىمدى تۇلعالارى مەن "تەحنيكا-رەم ستروي" جشس-نىڭ باسشىسىنا قاتىستى سوتالدى تەرگەپ-تەكسەرۋ جٷرگٸزۋ اياقتالىپ, سوتقا جولداندى. انىقتالعان اقشا جىمقىرۋ كٶلەمٸ 467 ميلليون تەڭگە. جشس-نىڭ باسشىسىنا قاتىستى "كٷزەتپەن ۇستاۋ" بۇلتارتپاۋ شاراسى قولدانىلدى", - دەلٸنگەن حابارلامادا.
قما مەلٸمەتٸنشە, سەرٸكتەستٸكتٸڭ 79 ميلليون تەڭگە كٶلەمٸندەگٸ مٷلكٸنە تىيىم سالىندى. ال, اتىراۋ وبلىسى قۇرىلىس باسقارماسى باسشىسىنىڭ بۇرىنعى ورىنباسارىنا جەنە تاعى دا بٸر تاپسىرىسشىعا قاتىستى "ٷيقاماقتا ۇستاۋ" بۇلتارتپاۋ شاراسى قولدانىلعان.
