QR Básekelestikti qorǵaý jáne damytý agenttigi qurylys taýarlary naryǵyndaǵy jaǵdaidy qatań baqylaýǵa aldy. Bul týraly agenttik tóraǵasy Serik Jumanǵarin málim etti, dep habarlaidy QazAqparat.
«Qazirgi ýaqytta qurylys materialdary naryǵynyń sýbektilerine buzýshylyq belgilerin joiý jáne baǵany tómendetý qajettigi týraly 26 habarlama jiberildi. Nur-Sultan qalasy (4), Túrkistan (3), Aqmola oblystarynda (3) kirpish óndirýshilerge 10 habarlama joldandy. Aqmola (2), Túrkistan (2), Jambyl (1) oblystarynda tsement óndirýshilerge 5 habarlama joldandy», - dedi S. Jumanǵarin búgingi Úkimet otyrysynda.
Armatýra óndirýshiler men jetkizýshilerge Pavlodar oblysynda – 8, Shyǵys Qazaqstan oblysynda – 3, Qostanai oblysynda – 1 jáne Almaty qalasynda 1 habarlama jiberilgen.
Almaty oblysy boiynsha qiyrshyq tas óndirýshilerine 2 habarlama joldandy.
Al Aqmola oblysyndaǵy polietilen qubyrlaryn óndirýshi 1 habarlama alǵan.
«Sondai-aq, monopoliiaǵa qarsy qyzmettiń zańdy talaptaryna qaramastan, aqparat berýden bas tartý faktileri oryn alýda. Qazirgi ýaqytta osy negiz boiynsha «Arselor Mittal Temirtaý» AQ qatysty ákimshilik is qozǵaldy. Naryq qatysýshylaryna baǵa áserin kórsetý maqsatynda 10 qurylys materialyn óndirýshilermen monopoliiaǵa qarsy zańnama normalaryn saqtaý týraly komplaens jasaldy», - deidi S. Jumanǵarin.
Qosymsha aqparat berý qorytyndylary boiynsha basqa da qurylys materialdaryn óndirýshiler men jetkizýshilerge qatysty áreket etý sharalaryna bastama jasalmaq.
«Agenttik atalǵan taýar naryǵyndaǵy jaǵdaidy qatań baqylaýǵa aldy. Jaqyn arada baǵa turaqtanatyn bolady», - dedi Serik Jumanǵarin.
