Búgin QR Premer-Ministri Asqar Maminniń tóraǵalyǵymen ótken Úkimettiń kezekti otyrysynda «qarapaiym zattar ekonomikasy» aiasynda óńdeý ónerkásibin damytý boiynsha sharalar kesheni qaraldy, dep habarlaidy "Ult aqparat".
Elbasy tapsyrmasy boiynsha nesielendirý baǵdarlamasy aiasynda óńdeý ónerkásibin qoldaýǵa 400 mlrd tg qarastyrylǵan. «Qarapaiym zattar ekonomikasyn» damytý aiasynda biznes jobalaryn qoldaý men damytý 2025 jylǵa qarai 16 myń turaqty jumys ornyn qurýǵa, biýdjetke 1,1 trln teńge salyq túsimderin qamtamasyz etýge, ónimder importynyń úlesin 59%-dan 37%-ǵa deiin azaitýǵa múmkindik beredi.
Indýstriia jáne infraqurylymdyq damý ministri R. Skliardyń aitýynsha, «qarapaiym zattar ekonomikasynda» qurylys indýstriiasyn, jeńil jáne jihaz ónerkásibin damytýǵa erekshe kóńil bólingen.
«Atalǵan mindetterdi sheshý úshin kórsetilgen salalardy damytý boiynsha Jol kartalary ázirlengen. Olar shikizattyq bazany damytý, kedendik ákimshilendirý jáne tehntikalyq retteý sharalaryn jetildirý arqyly ishki naryqty qorǵaý, taýarlar men qyzmetter sapasyn arttyrýǵa baǵyttalǵan ulttyq standarttardy ázirleýdi qarastyrady», — dedi R. Skliar.
Atalǵan salalardyń ótkizý kólemin ulǵaitý maqsatynda retteletin satyp alýlarda jergilikti qamtý úlesin jyl saiyn 20% ulǵaitý usynylady. Sonymen qatar, jetkizýshi Indýstriialyq sertifikatpen óziniń óndiristik qýattylyǵyn dáleldeýi tiis.
Sonymen qatar, otandyq taýarlardyń saýda jelilerinde usynylýyn arttyrý, kásiporyndardy biliktiligi joǵary kadrlarmen qamtamasyz etý, jobalardy ozyq tehnologiialardy qoldanýmen iske asyrý úshin atalmysh salalarǵa investitsiialar tartý boiynsha sharalar qabyldanatyn bolady.
Jalpy, Jol kartalarynda 150-den asa is-sharalardy iske asyrý qarastyrylǵan, onyń qorytyndylary boiynsha ortasha merzimde óndiriletin taýarlar boiynsha jergilikti qamtý úlesi 50%-dan astmaǵa artady, shyǵarylatyn ónim sapasy joǵarlaidy jáne kontrafaktilik ónim kólemi azaiady.
«Usynylyp otyrǵan sharalardy iske asyrý jyl saiyn qurylys materialdaryn, jeńil jáne jihaz ónerkásibi ónimderin óndirýdi 73 mlrd teńgege ulǵaitýǵa múmkindik beredi», — dedi R. Skliar.
Aýyl sharýashylyǵy ministri S. Omarov, óz kezeginde, agroónerkásip kesheniniń negizgi mindeti mańyzdy komponenti tamaq ónerkásibi bolatyn azyq-túlik qaýipsizdigin qamtamasyz etý ekenin jetkizdi. Agroónerkásiptik keshendi nesieleý úshin 200 mlrd teńge bólindi. Nesie qarajattary AÓK óńdelgen ónimderiniń basymdyqty 118-ge jýyq túriniń óndirisi boiynsha beriledi. 200 mlrd teńgeniń 100 mlrd teńgesi aýyl sharýashylyǵynyń óńdelgen ónimderi salasyndaǵy jobalardy nesieleýge jáne 100 mlrd teńge tamaq jáne basqa da óńdeý ónerkásibine shikizat beretin aýyl sharýashylyǵy óndirisine jumsalatyn bolady.
AÓK sýbektileriniń nesie júktemesin tómendetý maqsatynda berilgen nesieler boiynsha syiaqy mólsherlemesin sýbsidiialaý júzege asyrylady. QR AShM paiyzdyq mólsherlemesin sýbsidiialaý erejelerine qajetti ózgerister engizildi.
Tamaq ónerkásibin damytý boiynsha jol kartasy 6 negizgi blok boiynsha 26 is-sharany qamtidy:
-
shikizat bazasyn damytý,
-
kásiporyndardy tehnikalyq jáne tehnologiialyq qaita jaraqtandyrý,
-
kásiporyndardyń infraqurylymyn damytý,
-
logistikalyq infraqurylymdy damytý,
-
ǵylymi qamtamasyz etý,
-
ishki jáne syrtqy naryqtarda otandyq taýarlardy ilgerletý.
«Sońǵy 6 jylda tamaq ónerkásibiniń ósimi orta eseppen jyl saiyn 1,8% (30 mlrd teńge), aýyl sharýashylyǵynda óndirisinde ósim ortasha 3,2 % qurady. Quiylǵan qarajat óndirilgen ónimniń ósimin jyl saiyn 25 mlrd teńgege arttyrady, bul salanyń ósý qarqynyn (tamaq ónerkásibi jáne shikizat óndirisi) ortasha 6% arttyrýdy qamtamasyz etedi», — dedi S. Omarov.
Qazaqstannyń qarjygerler qaýymdastyǵy Keńesiniń tóraǵasy E. Bahmýtova basymdyqty jobalardy nesielendirý baǵdarlamasynyń iske asyrylýynyń oń dinamikasy týraly habarlady.
«Máselen, biylǵy 4 naýryzdaǵy jaǵdai boiynsha qarastyrýǵa 72,2 mlrd teńge somasyna 116 joba usynylǵan. Onyń ishinen jalpy somasy 5,9 mlrd teńgege 8 joba maquldandy. Ekinshi deńgeili 8 bank baǵdarlamany iske asyrýǵa qatysýǵa niet bildirdi, onyń 7-ýinde qujattar qabyldana bastady», — dedi E. Bahmýtova.
Óńirlerdegi jaǵdai týraly Almaty ákimi B. Baibek, Shymkent qalasynyń ákimi Ǵ. Ábdirahymov baiandady.
Máseleni qaraý barysynda QR Premer-Ministriniń orynbasary J. Qasymbek sóz sóiledi.
