Senator Andrei Lýkin qurylys alańdarynda iri júk kólikteriniń dóńgelekterin jýyp-tazalaýdy mindetteý máselesin kóterdi, dep habarlaidy QazAqparat tilshisi.
«Qurylys alańdarynda ainalma joldardy qarastyrý jáne iri júk kólikteriniń dóńgelekterin jýyp-tazalaý sharalary qabyldanbai jatyr. Ótken jyly tiisti jumystar atqarylǵan bolatyn. Osyndai tártip buzýshylyqtar úshin 120-ǵa tarta qurylys kompaniiasy jaýapkershilikke tartyldy. Onyń ishinde jartysynda atalǵan faktiler qaitalanyp otyr», - dedi A. Lýkin elordadaǵy Politsiia departamentiniń ujymymen kezdesý barysynda.
Osy oraida ol qurylys salýshylar mundai jaǵdaida tek aiyppul tóleýmen shekteletinin atap ótti.
«Osyndai jaǵdailarǵa qurylysy qarqyndy júrip jatqan Esil aýdanynyń politseileri jii tap bolady. Sonymen qatar, Baiqońyr aýdany boiynsha jeke sektordyń úlesi basym. Sondyqtan olar da mundai problemalardy sheshýi tiis», - dedi senator.
Bul turǵyda ol qurylys alańdaryn dóńgelekti jýatyn pýnktermen jasaqtaý, ainalma joldardy eskerý sharalaryn zańnamalyq túrde retteýdi usyndy. Eger de osy baǵyttaǵy jumystar iske asyrylmasa, onda qurylysqa ruqsat bermeý máselesi kóteriledi.
