Indýstriia jáne infraqurylymdyq damý vitse-ministri Berik Qamaliev Quryq jáne Aqtaý porttaryndaǵy shekteý sharalarynyń mán-jaiyn túsindirdi, dep habarlaidy "Ult aqparat".
«Úkimettik vedomstvoaralyq komissiianyń sheshimimen 5 naýryzdan bastap Iran jáne Ázerbaijannan jeńil avtokólikterdiń tasymalyn júzege asyratyn júrgizýshilerge Aqtaý jáne Quryq porttarynyń paromdarynda kórsetiletin qyzmetti toqtattyq», - dedi Berik Qamaliev OKQ-da ótken baspasóz máslihatynda.
Vitse-ministrdiń aitýyna qaraǵanda, bul shekteý sharalarynyń júk tasymalyna qatysy joq.
«Aqtaý jáne Quryq porttarynan Kaspii teńizi arqyly júk tasymalyn júrgizetin teńiz kemeleriniń ekipajdarynyń shyǵýyna shekteý qoidyq. Sonymen qatar halyqaralyq tasymaldy júzege asyratyn qazaqstandyq kemelerdiń ekipaj músheleriniń aýysymy kezindegi sanitarlyq qyzmettiń baqylaýyn qataittyq. Teńiz ákimshiliginiń buiryqtarynyń bári Kaspii teńizimen shektesip jatqan elderdiń barlyq teńiz ákimshiligine joldandy», - dedi ol.
Eske sala ketsek buǵan deiin Berik Qamaliev 8 naýryzdan bastap 1-shi sanattaǵy elderdiń azamattary Qazaqstanǵa kire almaitynyn málim etken edi.
