Joldaýda aýyl sharýashylyǵynyń álsiz tustary dál anyqtalǵan. Sala ministrligi aýyl sharýashylyǵyn damytyp, fermerlerdiń kiristerin arttyrýmen ainalysýy kerek degen Memleket basshysynyń biylǵy Joldaýyna qatysty QR Parlamenti Senatynyń depýtaty Aqylbek Kúrishbaev pikir bildirdi, dep habarlaidy QazAqparat.
«Qazir elimizdi daǵdarystan keiin damytý jolynda teńdestirilgen saiasattyń qajettigi burynǵydan da mańyzdyraq. Meniń oiymsha, ekonomikadaǵy túpki nátijege, halyqtyń ál-aýqatyn arttyrýǵa baǵyttalǵan dál osyndai baǵdarlamany el Prezidenti Qasym-Jomart Toqaev óziniń Joldaýynda jariia etti. Prezidenttiń ónerkásiptik saiasatty qalyptastyrý jónindegi paiymyn erekshe atap ótkim keledi. Aýyl sharýashylyǵynyń álsiz tustary dál anyqtalǵan. Biylǵy jyly Úkimettiń fermerlerdiń onsyz da az tabysyn tyiym salý sharalarymen tómendetpeýi óte mańyzdy. Aýyl sharýashylyǵy ministrligi aýyl sharýashylyǵyn damytýmen, fermerlerdiń kiristerin arttyrýmen ainalysýy kerek», - dedi Kúrishbaev.
Halyq qalaýlysynyń aitýynsha, Prezident azyq-túlik taýarlarynyń baǵasyn baqylaý boiynsha memlekettik organdardyń jaýapkershiligin ajyratý kerektigin durys aitty.
Jáne onyń málimdeýinshe, Joldaýda aitylǵan biologiialyq qaýipsizdik jónindegi ulttyq júie qurý elimiz úshin strategiialyq mańyzdy sheshim.
«Memleket basshysy tsifrlyq tehnologiialardy endirý arqyly sý problemalaryn sheshý qajettigine basa nazar aýdardy. 2025 jylǵa qarai elimizdiń barlyq halqy sapaly aýyz sýmen qamtamasyz etiletini mańyzdy. Meniń oiymsha, qoǵam Prezidenttiń eldegi eń tómengi jalaqyny 60 myń teńgege deiin, iaǵni 30%-ǵa deiin kóterý týraly bastamasyn jaqsy qabyldady. Bul bizdiń milliondaǵan azamattarymyzdyń ómir súrý deńgeiin arttyrýǵa baǵyttalǵan Memleket basshysynyń oń sheshimi», - deidi ol.
Odan bólek, depýtat ǵylymi jobalardy qarjylandyrý merzimin 3 jyldan 5 jylǵa deiin jáne odan da kóp ýaqytqa uzartý qajettigin basa aitty.
«Bul máseleni kóptegen jyldar boiy ǵalymdarymyz kótergen bolatyn. Memleket basshysy ǵylymi granttardy júzege asyrý merzimin bes jylǵa deiin ulǵaitýdy tapsyrdy. Bul otandyq ǵylymnyń damýyna jaqsy serpin bolady dep oilaimyn. Osylaisha, eldiń áleýmettik-ekonomikalyq damýynyń basymdyqtary aiqyndaldy. Endi Prezident aitqandai – «...bizdiń damýymyzdyń sheshýshi kezeńi bastaldy jáne memlekettik apparat biryńǵai tetik retinde jumys isteýge mindetti. Tek osyndai jaǵdaida ǵana biz alǵa qoiǵan maqsattarymyzǵa jetýdi qamtamasyz etemiz», - dedi Senat depýtaty.
