Senator Aqylbek Kúrishbaev veterinariia júiesiniń jai-kúii nasharlaǵanyn aitty. Úkimet basshysy Asqar Maminge joldaǵan saýalynda depýtat munyń sebebi kezindegi birtutas veterinariia júiesiniń bólinýi jáne qadaǵalaý fýnktsiiasynyń álsireýi dep túsindirdi, dep habarlaidy "Ult aqparat".
«Osyndai ózgeristerden keiin veterinariia salasynan veterinarlyq zańnamanyń ústemdigin saqtap qalýdy jáne salanyń epizootiialyq jaǵdaiynyń múddesin qorǵaǵan tájiribeli mamandar ketýge májbúr boldy. Tiimsiz reformanyń sońy nege alyp kelgenin bizdiń jaǵdaiymyzǵa beiimdelmegen maldy jappai importtap, onymen birge buryn bizde bolmaǵan ekzotikalyq juqpaly aýrýlardy taratýǵa sep bolǵan «Etti mal sharýashylyǵynyń eksporttyq áleýetin arttyrý» jobasynyń mysalynan kórýge bolady. Osy ýaqytqa deiin qoǵamda importtalǵan maldyń qalai beiimdelgeni týraly, olardyń qanshasy aýrý bolyp shyqqany, qanshasynyń joiylǵany, qandai aýrý túrlerin ákelgeni jáne qandai aýqymda taralǵany jóninde aqparattar berilgen joq», - dedi A. Kúrishbaev Senattyń jalpy otyrysynda.
Onyń paiymynsha, brýtsellezge qarsy kúres saiasatyn ózgertý, zerthanalardy ony diagnostikalaýdyń az sezimtal ádisterine aýystyrý, shyǵarylǵan qorytyndyny sotta daýlaý normalaryn engizý nátijesinde brýtsellezdiń taralýy boiynsha eldegi jaǵdai tek shielenise tústi. Jýyrdaǵy joǵary patogendi qus tumaýynyń órshýi veterinariia salasynyń qaýqarsyzdyǵyn aiqyn kórsetti, onyń nátijesinde qus sharýashylyǵy ónerkásibiniń birqatar kásiporyndary jyldar boiy ósirgen qus basynan aiyryldy, oǵan qosa qazirgi ekonomikalyq daǵdarys jaǵdaiynda respýblikalyq biýdjetten 3,7 mlrd teńge mólsherinde ótemaqy tóleýge májbúr bolyp otyrmyz.
Senatordyń aitýynsha, Aýyl sharýashylyǵy ministrligi tarapynan yqtimal sharalar qabyldanýda, biraq bul máselede búkil Úkimettiń qoldaýy qajet. Eger búgin memlekettik deńgeide ony qalpyna keltirý boiynsha qajetti sharalar qabyldanbasa, bul halyqtyń densaýlyǵyna áser etýi múmkin.
Depýtat veterinariialyq inspektorlardyń jalaqysyn kóbeitýmen qatar, eńbektiń ziiandy jaǵdailary úshin, olardyń asa qaýipti aýrýlardy juqtyrý qateriniń bolýyn eskere otyryp, ústemeaqy tóleýdi kózdeý qajet ekenin aitty. Aqylbek Kúrishbaev veterinariia jáne janýarlardy esepke alý júiesine qazirgi zamanǵy tsifrlyq tehnologiialardy engizýdi jedeldetý, joǵary oqý oryndarynda veterinariia mamandaryn daiarlaý júiesin oqý protsesin ǵylymi-zertteý qyzmetimen integratsiialaý, veterinariialyq zerthanalar júiesin ortalyqsyzdandyrý jáne referenttik-baqylaý fýnktsiialaryn kúsheitý jolymen reformalaý mańyzdy ekenine toqtaldy.
Sonymen qatar, depýtat elimizde óndiriletin jáne memlekettik tapsyrys boiynsha satyp alynatyn veterinariialyq preparattardyń sapasyn baqylaýdyń táýelsiz júiesin qurý qajettigine nazar aýdartty.
