Senator Aqylbek Kúrishbaev elimizdiń Premer-Ministriniń atyna joldaǵan depýtattyq saýalynda aýa raiyna beiimdelgen aýyl sharýashylyǵyn júrgizýdiń jańa júiesin qurý qajettigi týraly máseleni kóterdi, dep habarlaidy "Ult aqparat".
Onyń aitýynsha, biylǵy qurǵaqshylyq aýyl sharýashylyǵynyń aýa-raiyna táýeldiligi men osaldyǵyn kórsetip otyr. Ol sondai-aq birde-bir tehnologiialyq damyǵan agrarlyq elde osyndai tabiǵi kataklizmder oryn alaǵan jaǵdaida Qazaqstandaǵy sekildi túsim tómendemeitinin atap ótti.
«Elimizdiń gidrometeoqyzmetin jańǵyrtý qajet. Aýa-raiynyń naqty boljamynyń bolmaýyna bailanysty fermerlerimiz egýdiń ońtaily merzimin anyqtai almaidy. Depýtattar otandyq sorttardyń selektsiiasyn damytý máselesin birneshe ret kóterdi. Qurǵaqshylyqqa tózimdi sorttardy tek biotehnologiialyq zamanaýi ádister negizinde ǵana jasaýǵa bolady. Alaida mundai zertteýlerdi qajetti kólemde qarjylandyrý máseleleri áli sheshilgen joq», - dedi senator.
Aqylbek Kúrishbaev aýyl sharýashylyǵy salasyndaǵy problemalardy sheshýdiń naqty tetikterin atap ótti. Ol óristerdiń egjei-tegjeili agrohimiialyq kartogrammasy qajet dep sanaidy. Sonymen qatar, senator aýyl sharýashylyǵyndaǵy saqtandyrý júiesin jetildirýdi jáne sýarmaly jerlerdiń kólemin ulǵaitýdy usyndy.
Senator, sondai-aq, fermerlerdi oqytý óte mańyzdy ekenin atap ótti. Osyǵan orai ol agrarlyq bilimdi taratý ortalyqtaryn uiymdastyrý qajettigin atap ótti. Qazaqstanda mundai ortalyqtardyń sany bar bolǵany 25, al AQSh pen Kanadada 2-3 myńnan asady.
