Búgin Úkimet otyrysynda QR Aýyl sharýashylyǵy ministriniń mindetin atqarýshy Erbol Qarashókeev eldegi jem-shóp daiyndaý barysy jaiynda baiandady, dep habarlaidy QazAqparat.
«Biylǵy klimat jaǵdaiy aýyl sharýashylyǵy janýarlaryn azyqpen qamtamasyz etý belgili bir qiyndyq týǵyzdy. Jaǵdaidy túzetý úshin Úkimet naqty jedel sharalar qabyldap jatyr. Jem-shóp daiyndaý máseleleri boiynsha jergilikti jáne ortalyq atqarýshy organdardyń qyzmetin úilestirý jónindegi respýblikalyq jedel shtab qurylyp, jumys istep jatyr. Zardap shekken óńirlerge qarjylai kómek kórsetilip jatyr. Máselen, qurǵaqshylyqtan eń kóp zardap shekken Mańǵystaý jáne Qyzylorda oblystaryna jem-shóp satyp alýǵa jumsalǵan shyǵyndaryn óteýge Úkimet rezervinen 3,6 mlrd teńge bólindi», - dedi Qarashókeev.
Onyń aitýynsha, Mańǵystaý oblysyna mal azyǵyn daiyndaý maqsatynda qosymsha 5,3 mlrd teńge bólý máselesi sheshimin tapty.
«Sonymen qatar, jem-shóp daiyndaý problemalaryn sheshýge jergilikti biýdjetten 9,1 mlrd teńge bólindi. Qosymsha taǵy 4,5 mlrd teńge bólý kútilip otyr. Zardap shekken óńirlderdiń aýyl sharýashylyǵy taýaryn óndirýshilerdiń nesieleri boiynsha qaryzdaryn uzartý jáne qaita qaraý týraly sheshim jasalyp, ótinimderdi qabyldaý bastaldy. Oblystarda azyq daiyndaý kólemin barynsha arttyrý boiynsha sharalar kesheni iske asyrylyp otyr. Óńirlerge mal azyǵyn daiyndaý maqsatynda qosymsha 43,1 myń tonna arzandatylǵandizel otyny bólindi», - dedi ministrdiń mindetin atqarýshy.
