«Qazaqstan temir joly» UK» aktsionerlik qoǵamy elimizdiń qurǵaqshylyqtan zardap shekken batys óńirine 177 vagon shóp jetkizip berdi, dep habarlaidy "Ult aqparat".
2021 jylǵy shildede jáne tamyzdyń 9 kúninde Mańǵystaý oblysyna prestelgen shóbi bar 177 vagon jetkizildi. Júk jóneltýshiler ótinimderi boiynsha tamyz aiyna tasymaldaýǵa taǵy 164 vagondy tieý josparlanǵan.
«Pishen Atbasar, Arqalyq, Qaraǵandy, Shelek, Taraz, Shý, Saryaǵash, Arys, Oral, Shymkent jáne t.b. stantsiialardan jóneltiledi. Jetkiziletin stantsiialar – Mańǵystaý, Ózen, Shetpe, Beineý, Sekseýil jáne basqalary. Negizinen shóp «QTJ» UK» AQ enshiles kásiporny – «Qaztemirtrans» AQ menshigindegi vagondarǵa tieledi»,-delingen habarlamada.
