Niý-Delide (Úndistan) kúres túrlerinen ótip jatqan Aziia chempionatynda áielder arasyndaǵy básekeniń ekinshi kúninde Qazaqstan quramasy 2 altyn, bir kúmis jáne bir qola medal jeńip aldy, dep habarlaidy Olympic.kz.
53 kelide kúresken Tatiana Ahmetova jarys jeńimpazy atandy. Ol finalda álem jáne Aziia chempiony japoniialyq Maiý Mýkaidany jeńdi.
72 kelide kúresken Jamilia Baqbergenova el qorjynyna ekinshi altyndy saldy.
62 kelide kúresken qazaqstandyq burymdy balýan Aiaýlym Qasymova finalda qarsylasyna ese jiberip, kúmiske ie boldy.
Al 57 kelide kúresken Altynai Satylǵan qolany qanaǵat tutty.
Qazaqstan áielder quramasy jarysty 2 altyn, 1 kúmis, 5 qola júldemen qurlyqtyq birinshilikte jalpy komandalyq esepte medal sany boiynsha 3-shi orynmen aiaqtady.
