Elorda tórinde kúres túrlerinen ótip jatqan litsenziialyq Álem chempionatynda áielder kúresinen Elmira Syzdyqova Tokio Olimpiadasyna joldama jeńip aldy, dep habarlaidy "Ult aqparat".
Keshe, 76 keli salmaqtaǵy Elmira Syzdyqova birinshi ainalymda amerikalyq Adelina Greigke ese jibergen bolatyn. Baǵyna qarai, qarsylasy finalǵa deiin súrinbei jetip, qazaqstandyq balýan jubanysh beldesý múmkindigine ie boldy.
Búgin Syzdyqova eki birdei jubanysh beldesýinde qarsylasyn utyp, qola medal úshin talasýǵa múmkindik aldy. Ol jubanysh beldesýinde aldymen, italiialyq qarsylasyn 10:0 esebimen utsa, keiin qytailyq Taipei ókilin 11:6 esebimen jarys jolynan taidyrdy. Endi ol keshki saǵat 18:00-de qola medal úshin synǵa túsedi. Qarsylasy germaniialyq balýan bolmaq.
Esterińizge sala keteiik, osyǵan deiin áielder kúresinen 50 keli salmaqtaǵy Valentina Islamova álem birinshiliginiń qola júldegeri atanyp, Olimpiada litsenziiasyna qol jetkizgenin jazǵan bolatynbyz.
