Búgin elorda tórinde kúres túrlerinen ótip jatqan álem chempionatynda áielder kúresinen alǵashqy júldege qol jetkizdik, dep habarlaidy QazAqparat.
Búgin áielder kúresinen 50 keli salmaqta qola medal úshin beldesken qazaqstandyq Valentina Islamova kishi finalda ýkrainalyq Oksana Livachty 5:0 esebimen utyp, qola medal iegeri atandy.
Bul kúres túrlerinen qazaqstan qorjynyna túsken tórtinshi medal. Osyǵan deiin osyǵan deiin Qazaqstan quramasynan 55 keli salmaqta grek-rim kúresiniń sheberi Qorlan Jaqansha el qorjynyna alǵashqy kúmis júldeni syilasa, sol kúni Almat Kebispaev qola medal jeńip alǵan bolatyn. Al keshe ǵana grek-rim kúresinen erler arasynda 60 keli salmaqta el namysyn qorǵaǵan balýanymyz Meirambek Ainaǵulov kezekti qola medalge qol jetkizdi.
Sondai-aq, búgin qola medal úshin beldesýde 55 keli salmaq dárejesinde synǵa túsken jerlesimiz Marina Sedneva reseilik Olga Horoshavtsevadan utylyp, júldesiz qaldy. Júldeli orynǵa talasqan 72 keli salmaqtaǵy taǵy bir otandasymyz Jámila Baqbergenova japondyq qarsylasyna 0:2 esebimen utyldy.
Osylaisha álem birinshiliginde áielder kúresinen qazaqstandyq balýandardyń enshisinde ázirge jalǵyz qola medal bar.
