Aqtaýda er adamdar arasynda tóbeles shyǵyp, birin-biri kúrekpen aiaýsyz uryp soqqan, dep habarlaidy QazAqparat.
Áleýmettik jelide taraǵan taspada birneshe er adam jerde jatqan adamdardy kúrekpen urǵany kórinip tur.
Kýágerlerdiń aitýynsha, oqiǵa 6-shaǵynaýdandaǵy «Tandyr Haýs» kafesiniń janynda bolǵan.
Oblystyq Politsiia departamenti baspasóz qyzmetiniń málimetinshe, janjal alkogoldik ishimdik ishkennen keiin bastalǵan.
«Shamamen saǵat 16:30-da Aqtaý politsiia basqarmasy 102 kezekshi pýltine turǵyndardan 6-shaǵynaýdandaǵy 37-úidiń mańynda tóbeles bolyp jatqandyǵy týraly habarlama tústi. Oqiǵa ornyna jedel-tergeý toby shyqty. Kelgen politsiia qyzmetkerleri tóbeleske qatysýshylardy ustap, Aqtaý politsiia basqarmasyna jetkizdi. Tóbeles turmystyq jaǵdaida bolǵany anyqtaldy», - delingen baspasóz qyzmeti taratqan habarlamada.
Atalǵan fakti boiynsha QR Qylmystyq kodeksiniń 293-babymen (Buzaqylyq) sotqa deiingi tergeý amaldary bastaldy. Tergeý jalǵasýda.
