اقتاۋدا ەر ادامدار اراسىندا تٶبەلەس شىعىپ, بٸرٸن-بٸرٸ كٷرەكپەن اياۋسىز ۇرىپ سوققان, دەپ حابارلايدى قازاقپارات.
ەلەۋمەتتٸك جەلٸدە تاراعان تاسپادا بٸرنەشە ەر ادام جەردە جاتقان ادامداردى كٷرەكپەن ۇرعانى كٶرٸنٸپ تۇر.
كۋەگەرلەردٸڭ ايتۋىنشا, وقيعا 6-شاعىناۋدانداعى «تاندىر حاۋس» كافەسٸنٸڭ جانىندا بولعان.
وبلىستىق پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, جانجال الكوگولدٸك ٸشٸمدٸك ٸشكەننەن كەيٸن باستالعان.
«شامامەن ساعات 16:30-دا اقتاۋ پوليتسييا باسقارماسى 102 كەزەكشٸ پۋلتٸنە تۇرعىنداردان 6-شاعىناۋدانداعى 37-ٷيدٸڭ ماڭىندا تٶبەلەس بولىپ جاتقاندىعى تۋرالى حابارلاما تٷستٸ. وقيعا ورنىنا جەدەل-تەرگەۋ توبى شىقتى. كەلگەن پوليتسييا قىزمەتكەرلەرٸ تٶبەلەسكە قاتىسۋشىلاردى ۇستاپ, اقتاۋ پوليتسييا باسقارماسىنا جەتكٸزدٸ. تٶبەلەس تۇرمىستىق جاعدايدا بولعانى انىقتالدى», - دەلٸنگەن باسپاسٶز قىزمەتٸ تاراتقان حابارلامادا.
اتالعان فاكتٸ بويىنشا قر قىلمىستىق كودەكسٸنٸڭ 293-بابىمەن (بۇزاقىلىق) سوتقا دەيٸنگٸ تەرگەۋ امالدارى باستالدى. تەرگەۋ جالعاسۋدا.
