Biyl qurbandyq shalatyn arnaiy oryndarda «ASHYQ» mobildi qosymshasy iske qosylady. Bul týraly QMDB tóraǵasynyń orynbasary, naib múfti Ershat Ońǵar aityp berdi, dep habarlaidy "Ult aqparat".
«Sary» jáne «jasyl» aimaqtaǵy qurbandyq shalatyn arnaiy oryndarda azamattardyń densaýlyǵyna erekshe kóńil bólý jáne qoǵamdyq qaýipsizdikti qamtamasyz etý maqsatynda «Ashyq» mobildi qosymshasy iske qosylady. Atap aitqanda, «qyzyl» jáne «sary» mártebesi bar azamattar qurbandyq shalý oryndaryna jiberilmeidi, «kók», «jasyl» mártebesi bar azamattar ǵana jiberiledi», - dedi Ońǵar.
Osy rette, Nur-Sultan, Almaty jáne Shymkent qalalary, oblystardyń ákimdikteri Ishki ister, densaýlyq saqtaý ministrlikteri, QMDB-men birlesip, elimizdiń óńirlerinde «Ashyq» mobildi qosymshasy aiasynda qoǵamdyq qaýipsizdikti qamtamasyz etedi.
«Qasaphanaǵa maska taǵyp, araqashyqtyq saqtap, dene qyzýy bar adamdardyń jaqyndaýyna jol bermeýge tiispiz. Jasy 65-ten asqan qariialar, áielder men balalardyń barynsha qurban malyn shalatyn oryndarǵa barýyn shekteýge shaqyramyz. Qazirgi ýaqytta qasaphanaǵa qoiylatyn tártip joǵary. Ony udaiy baqylap, kelýshilermen aradaǵy bailanysqa jiti mán berýimiz kerek. Eń bastysy maldy shariǵat talaptaryna sáikes baýyzdap, soiylýyn qatań qadaǵalaý qajet», - dedi Ershat Ońǵar.
Aita keteiik, 2021 jyly qurban shalý rásimi eki jolmen júzege asyrylady. «Sary» jáne «jasyl» aimaqtarda onlain jáne oflain formatta ótse, «qyzyl» aimaqtarda pandemiia jaǵdaiynda shariǵattaǵy «ókildik» qaǵidasyna sáikes, qurban2021.kz saity arqyly tek onlain rejimde qurban shalynady.
