Qurban Berdyev «Qairat» fýtbol klýbynyń bas jattyqtyrýshysy boldy, dep habarlaidy "Ult aqparat" FK-nyń saityna silteme jasap.
Berdyev - biyl "Qairattyń" bas bapkeri atanǵan úshinshi maman. Buǵan deiin almatylyq komandany Aleksei Shpilevskii jattyqtyrǵan. Biraq ol maýsym basynda germaniialyq komandaǵa ketti. Keiin maýsym aiynda onyń ornyna Kirill Keker keldi. Alaida bul maman klýb Eýropa ligasynan shyǵyp qalǵannan keiin otstavkaǵa ketti. Sodan soń bas bapker qyzmetin Artem Gavrilenko ýaqytsha atqaryp keldi.
Aita keteiik, Berdyev mamyr aiynan beri "Qairatta" jumys istedi. Ol basqarma keńesiniń tóraǵasynyń keńesshisi boldy.
Qurban Bekievich Berdyev 1952 jyly 25 tamyzda Túrikmenstan astanasy Ashhabad qalasynda týǵan.
Sporttyq mansabynda jartylai qorǵaýshy, keide qorǵaýshy pozitsiialarynda óner kórsetti. Fýtbolmen 1959 jyly Ashhabadta ainalysa bastaǵan. «Kolhozchi», SKA (Dondaǵy Rostov) jáne «Rostselmash» siiaqty komandalar sapynda oinady. 1977, 1981-1985 jyldary jáne 1993 jyly «Qairat» FK fýtbolshysy boldy. Almatylyq klýb quramynda barlyǵy 175 match ótkizip, 34 gol soqty.
Bapkerlik mansabyn Jambyldyń «Himik» sapynan bastady. Sodan keiin «Qairatta» Baqtiiar Baiseiitovtiń kómekshisi bolyp, komandany alǵashqy chempiondyq ataqqa alyp keldi. «Qairattan» keiin túriktiń «Genchlerbirligyn» jattyqtyrýǵa ketti, biraq 1994 jyly almatylyq komandaǵa bas bapker retinde qaita oraldy. .
Bir jyldan keiin komandadan ketip, «Munaishy», «Nisa», Túrikmenstan quramasyn, reseilik «Kristall», «Rýbin» jáne «Rostov» komandalaryn jattyqtyrdy. Joǵaryda atalǵan komandalarmen Túrikmenstan men Resei chempionattaryn, kýboktary men sýperkýboktaryn jeńip aldy. «Rostov» pen «Rýbin» bapkeri bola otyryp, kári qurlyq týrnirlerinde Eýropanyń úzdik komandalarynan birneshe ret basym tústi.
Biylǵy 27 mamyrdan bastap Qurban Berdyev «Qairat» FK baqylaý keńesi tóraǵasynyń keńesshisi laýazymynda eńbek etti.
Mamanmen kelisimshart jyl sońyna deiin eseptelgen, eki jylǵa uzartý múmkindigi bar.
