Ait merekesiniń ekinshi kúni Qazaqstanda 32 896 otbasyǵa et taratyldy, dep habarlaidy "Ult aqparat" Qazaqstan musylmandary dini basqarmasyna silteme jasap.
Jumys barysynda sanitarlyq talaptardyń saqtalýy qatań qadaǵalandy.
«Ulyq meiramda qaiyrymdylyq sharasyn jandandyra túsý maqsatynda qurylǵan arnaiy jumys toby Qurban aittyń ekinshi kúni respýblika boiynsha 32 896 muqtaj otbasyǵa qurbandyq etin jetkizdi. Elimiz boiynsha www.qurban2021.kz saityna qashyqtan qurban shalýǵa tapsyrys bergen azamattardyń ýákildik qurbandyǵy tolyǵymen oryndaldy. Osy ýákildik qurbandyǵynyń esebin qajet etken jandarǵa atqarylǵan is-sharalardyń foto, video málimeti tolyq jiberildi», - delingen QMDB habarlamasynda.
Aittyń ekinshi kúni qurban2021.kz saity arqyly qurban shalýǵa 2 724 tapsyrys kelip túsken jáne respýblika kóleminde 4246 qoi, 219 eshki, 523 siyr jáne 6 túie soiyldy.
Eske sala ketsek, aittyń birinshi kúni QMDB-nyń aimaqtaǵy ókildikteri kómekke zárý 40 156 otbasyǵa qurbandyq etin jetkizdi. Jalpy alǵanda barlyq oblysty qamtyǵanda Qurban aittyń eki kúninde 73 052 januiaǵa et jetkizildi.
