Qurban aitqa arnaiy demalys kúni berilmeidi. Bul týraly Eńbek jáne halyqty áleýmettik qorǵaý ministrliginiń resmi saitynan málim boldy.
Onda kórsetilgen málimetterge qaraǵanda, «Qazaqstan Respýblikasyndaǵy merekeler týraly» Qazaqstan Respýblikasy Zańynyń 5-babyna sáikes Qazaqstandaǵy merekeler jumys istemeitin kúnder bolyp tabylady.
Eger demalys jáne mereke kúnderi sáikes kelse, demalys kúninen keiingi kelesi jumys kúni demalys bolyp tabylady.
Sonymen birge, QR Eńbek kodeksiniń 84-babyna sáikes, Qurban aittyń birinshi kúni demalys kúni bolyp tabylady. Biyl ol jeksenbi - 11 tamyzǵa keledi.
Alaida, Qurban ait memlekettik jáne ulttyq merekeler tizimine enbeidi jáne oǵan joǵarydaǵy zań normalary qoldanylmaidy. Iaǵni, eger jeksenbi Qurban ait kúnine sáikes kelse, odan keiingi kelesi jumys kúni demalys bolyp sanalmaidy.
