Iaroslava Shvedova Olimpiadada nelikten jarys jolynan shyǵyp qalǵanyn túsindirdi, dep habarlaidy "Ult aqparat".
Aita keteiik, qazaqstandyq tennisshi Olimpiadanyń kelesi ainalymyna óte alǵan joq. Ol kezdesý kezinde oiyndy toqtatýǵa májbúr boldy.
Ulttyq olimpiada komitetiniń resmi saityna suhbat bergen tennisshi jarystan bas tartýynyń sebebin aitty.
«Óz ózime endi kelip jatyrmyn. Ókinishke qarai, kezdesý jeńilispen aiaqtaldy. Jaqsy oinap, tyrysqan siiaqtymyn. Bári jaman emes edi, alaida, birinshi settiń aiaǵyna qarai ystyqqa shydaý múmkin bolmady. Kúnniń ystyǵy qatty áser etti.
Sonda da toqtamai, birneshe geim oinaýǵa tyrystym. Biraq jaǵdaiym nasharlap, aiaǵymdy sezbei qaldym. Oiyndy toqtatqym kelgen joq, eń sońyna deiin oinaǵym keldi. Biraq 3:2 esebimen alda turǵanymda bári qiyndai tústi.
Men sońyna deiin oinai almaitynymdy sezdim. Iýlia men Zarina da oiynnan bas tartqan soń barynsha sońyna deiin barǵym keldi. Oiynym jaqsy júrip jatsa da, jaǵdaidyń osyndai bolǵany ókinishti», - dedi Shvedova.
