Astananyń birinshi perinataldyq ortalyǵynda taǵy bir jas bosanǵan áiel kóz jumdy. Aqparatty elordanyń qoǵamdyq densaýlyq saqtaý basqarmasy Kamaljan Nádirov rastady, dep habarlaidy sputniknews.kz.
"Birinshi perinataldyq ortalyqta sońǵy kúnderi úsh adam kóz jumdy. Úshinshi tragediia ekinshi maýsym kúni saǵat 18.25-te boldy", — dep habarlady ol.
№1 perinataldyq ortalyqtyń bas dárigeriniń orynbasary Erbol Áýbákirovtyń aitýynsha, 26 jastaǵy áiel júktilik kezeńinde qan ketýi saldarynan qaitys bolǵan.
"Áiel bizge túskende qan ketip jatty. Kesar tiligi arqyly bosandyrdy. Bala aman, ómirine eshqandai qaýip joq. Júkti áieldiń óziniń densaýlyǵynda problema bolǵan. 19 jastan jaman ádetke áýestengen. Kúnine 25-30 temeki shekken", — dedi №1 perinataldyq ortalyqtyń bas dárigeriniń orynbasary.
Buǵan deiin Astananyń№ 1 perinataldy ortalyǵynda jańa bosanǵan eki ana kóz jumǵany belgili boldy. Oqiǵanyń biri 21 maýsymda, ekinshisi 25 maýsymda bolǵan. Áielderdiń balalary tiri, alaida jan saqtaý bólimine tústi.
