Soltústik Qazaqstan oblysynyń ákimi Áigerim Qazezovanyń ólimine qatysty áleýmettik jelide jazba qaldyrdy, dep habarlaidy QazAqparat.
Óńir basshysy Qumar Aqsaqalov jas ana Áigerim Qazezovanyń ólimine qatysty isti nazarda ustady. Buǵan deiin oblys ákimi arnaiy komissiia qurylyp, táýelsiz sarapshylar tartylatyndyǵyn aitqan edi. Al fakt rastalǵan jaǵdaida, kináliler zańǵa sáikes qatań jazaǵa tartylyp, qyzmetinen bosatylady.
Búgin Qumar Aqsaqalov áleýmettik jelide jańa jazba qaldyryp, Áigerim Qazezovanyń ólimine qatysty naqty sheshimder qabyldanǵanyn aitty.
«Naýqas Áigerim Qazezovanyń ólimine qatysty oblysta táýelsiz komissiia jumys istedi. Jan-jaqty tekserý júrgizilip, onyń barysynda barlyq faktiler rastaldy. Osyǵan bailanysty naqty sheshimder qabyldandy. Qyzmetinen bosatylǵandar:
Iýrii Belonog - kópsalaly oblystyq aýrýhananyń bas direktory;
Anatolii Rafalskii - Taiynsha aýdandyq aýrýhanasynyń direktory», - delingen jazbada.
