QR Ulttyq olimpiada komitetiniń prezidenti laýazymyna Timýr Qulybaev qaita sailandy, dep habarlaidy "Ult aqparat".
Búgin elordada ótip jatqan QR Ulttyq olimpiada komiteti Bas assambleiasynyń otyrysynda komitettiń prezidentin sailaý sharasy ótti. Sailaý barysynda elimizde tirkelgen 34 sport federatsiiasynyń ókilderi Timýr Qulybaevtyń kandidatýrasyn qoldap daýys berdi.
«Barlyǵy 34 biýlleten boldy. Jaramsyz bolyp qalǵan, qarsy daýys bergen biýlletender joq», - dedi daýys berý nátijesin jariialaǵan QR Mádeniet jáne sport ministrligi Sport jáne dene shynyqtyrý isteri komitetiniń tóraǵasy Serik Sápiev.
Buǵan deiin el Premer-Ministri Asqar Mamin Ulttyq olimpiada komitetiniń prezidenti laýazymyna Timýr Qulybaevtyń kandidatýrasyn usynǵan edi.
