Kedendik ákimshileýdi jetildirý arqyly biýdjet shyǵynyn 150 mlrd teńgege deiin qysqartýǵa bolady. Bul týraly Biznesti qorǵaý jónindegi IV forýmda «Atameken» Ulttyq kásipkerler palatasy Tóralqasynyń tóraǵasy Timýr Qulybaev aitty, dep habarlaidy QazAqparat.
«Memlekettik biýdjettiń aitarlyqtai áleýetti kirisi kedendik salada jasyryn jatyr. Qytai boiynsha ainaly kedendik statistikadaǵy aiyrmashylyq shamamen 7 mlrd dollardy quraidy. Bul kontrafaktilerdi jetkizýshilerge qyzmet kórsetetin kólegeili saýdanyń negizgi sebepteriniń biri», - dedi Timýr Qulybaev.
Osy rette ol elimizdiń Qarjy ministrliginiń deregine sáikes, Qazaqstan-Qytai shekarasyndaǵy shyǵyn 200 mlrd teńgeden astamǵa qysqaratyndyǵyn aitty. Mundai mol qarajatqa shekaradaǵy baqylaý-ótkizý pýnktterin jańǵyrtý esebinen qol jetkizilmek.
«Buǵan qosa, kedendik ákimshileýdi odan ary jetildirý esebinen biýdjet shyǵynyn 100-150 mlrd teńgege qysqartý áleýeti bar», - dedi ol.
