Bizneske qarsy qylmystardy Qylmystyq kodekste jeke taraýǵa toptastyrý qajet. Bul týraly IV Biznesti qorǵaý jónindegi forýmda «Atameken» Ulttyq kásipkerler palatasy Tóralqasynyń tóraǵasy Timýr Qulybaev aitty, dep habarlaidy QazAqparat.
«Biznestiń problemasy laýazymdy tulǵanyń aralasýymen jii bolyp jatady. Kásipkerler barlyq satyǵa jáne qoǵamdyq institýttarǵa júginýge májbúr. 2018 jyly ǵana 50 myńnan astam shaǵym tirkelip, 61 laýazymdy tulǵa tártiptik jazaǵa tartyldy. Yqpal etýdiń qylmystyq jáne ákimshilik sharalary is júzinde jumys istemeidi. Barlyq jerde derlik nóldik statistika», - dedi ol.
Sonymen qatar, ol Memleket basshysynyń biznestiń damýyna kedergi keltirýge tyrysý memleketke qarsy jasalǵan qylmys retinde qaralýy tiistigin aitqanyn eske saldy.
«Quqyq qorǵaý organdary akademiiasyn birlesip bul máseleni zeredeleýdi bastadyq. Bizneske qarsy jasalǵan qylmysty keshendi qarastyryp, keńeitip Qylmystyq kodekstiń jeke taraýy retinde toptastyrý qajet dep sanaimyz. Bizneske erteńgi kúnine degen senimdilik, jeke menshigine qol suǵylmaityndyǵyna kepil kerek», - dedi Timýr Qulybaev.
Osy oraida Tóralqa tóraǵasy bul iste sot biligi men sýdialardyń mańyzdy ról oinaityndyǵyna nazar aýdardy.
«Joǵarǵy sottyń basshylyǵy sot protsedýralaryn jaqsartý, formalizmdi joiý, biznes pen memlekettik apparat asyndaǵy daýlardaǵy teńsizdik alyp tastaý boiynsha belsendi sharalar qabyldap jatyr. Sýdialar korpýsynyń sapasyn arttyrý boiynsha da jumys júrgizilýde. Kásipkerler qoǵamdastyǵy bul bastamalarǵa qoldaý kórsetedi», - dedi ol.
