Atyraý oblysynyń Qulsary stansasynda jolaýshylardy poiyzǵa otyrǵyzýǵa jáne túsirýge tyiym salyndy,– dep habarlaidy «Qazaqstan temir joly» UK» AQ baspasóz qyzmeti.
Jylyoi aýdany bas memlekettik sanitar dárigeriniń sheshimine sáikes, koronavirýs infektsiiasynyń taralýyna jol bermeý maqsatynda 2 shilde saǵat 07-00-den 15 shildege deiin Qulsary stansasynda poiyzǵa bilet satýǵa, otyrǵyzyp, túsirýge ýaqytsha tyiym salynǵan.
Atap aitqanda, shekteý sharalary myna poiyzdarda qoldanylady:
- № 37/38 «Mańǵystaý-Nur-Sultan-Nurly jol»;
- № 309/310 «Mańǵystaý-Aqtóbe»; - № 313/314 «Atyraý-Mańǵystaý»;
- №77/ 78 jáne № 313/314 jolaýshylar poiyzynyń quramynda qatynaityn «Almaty-2-Qulsary» tikelei qatynaityn vagondary.
Qulsary stansasynan poiyzǵa otyrǵyzý jáne túsirý jolaýshylarda dárigerlik-konsýltativtik komissiianyń qorytyndysy nemese meditsinalyq mekemeniń shaqyrý haty bolǵan jaǵdaida ǵana ruqsat etiledi.
Budan buryn Qulsary stansasyna deiin nemese sol stansadan bilet alǵan jolaýshylar jol júrý qujatyn qaitaryp, júrilmegen jol aiyrmashylyǵyn nemese bilet qunyn tolyq qaitaryp ala alady.
«Koronavirýs pandemiiasyna bailanysty ulttyq tasymaldaýshy jolaýshylardan sanitariialyq-epidemiologiialyq talaptardy saqtap, ózimen birge jeke qorǵanysh quraldaryn alyp júrýin suraidy» delingen habarlamada.
