Almaty túbine qulaǵan Bek Air ushaǵynda júkti áieldi qorǵap qalǵan Temirlan Qadaýov marapattaldy, dep habarlaidy "Ult aqparat".
Almaty politsiiasy ǵimaratynda ishki ister ministriniń buiryǵymen 23 jastaǵy Temirlan Qadaýovqa «Tótenshe jaǵdailardyń aldyn alýda jáne joiýda úzdik shyqqany úshin» medali tabys etildi.
Medaldi jas batyrǵa qalalyq politsiia departamentiniń bastyǵy Serik Kúdebaev tapsyrdy.
«Jas jigit tótenshe jaǵdaida batyldyq kórsetip, janynda otyrǵan júkti áieldi denesimen jaýyp qaldy. Odan bólek, jaraqat alǵanyna qaramastan ushaqtaǵy jolaýshylardyń tez arada ushaqtan shyǵýyna kómektesti. Temirlan Qadaýov bul marapatqa ábden laiyq. Bul, birinshi kezekte, halyqtyń batyrǵa degen alǵysy, rizashylyǵy dep túsingen jón», - dep atap ótti politsiia.
Aita keteiik, 27 jeltoqsan kúni Almatydan Nur-Sultan qalasyna ushyp shyqqan 93 jolaýshy jáne 5 ekipaj múshesi mingen ushaq apatqa ushyrady. 12 adam kóz jumdy. Oqiǵanyń mán-jaiyn anyqtaý úshin ushaq qulaǵan aýmaqqa arnaiy komissiia ushyp shyqty.
Eske salaiyq, «Bek Air» áýe kompaniiasynyń ushaǵy qulaǵan sátte jolaýshylardyń biri janynda otyrǵan júkti áieldi denesimen jaýyp, aman alyp qalǵan.
