Jartylai orta salmaqta IBO chempiony Daniiar Eleýsinov (11-0, 6 KO) badlefthook.com basylymyna bergen suhbatynda Eddi Hirnge tiesili Matchroom Boxing promoýterlik kompaniiasynda nege qalmaǵanyn aityp berdi, dep habarlaidy Vesti.kz portaly.
"Matchroom-de qalatyn edim, biraq usynystaǵy sharttary qul etedi. Bylai qiyn emes. Jylyna 100 myń dollar tóleý kerekpin, eń ataqty boksshylar: Konor Benn, Verdjil Ortis nemese Errol Spenspen shyǵyp jatsam da. Mundai boksshylarmen shyqsam, ondai aiqas tóleý kerek sommamnan alty-jeti ese artyq paida ákeledi! Alaida men gonorardy arttyrýǵa múlde quqym joq eken.
Frenk Ýorren men El Heimon siiaqty promoýterlermen qýana jumys ister edim, biraq, olardyń óz boksshylary men mindetteri bar. Qazaqstandyq bolǵandyqtan meniń isimdi eshkim júrgizgisi kelmeitin siiaqty. Kóńilden shyǵatyn nusqa kútip júrmiz. Buǵan ýaqyt kerek siiaqty.
Meniń stilim kei promoýterlerge kelmeitinge uqsaidy. Máselen, Eddi Hirn men siiaqtylarǵa qaraǵanda pancherlerdi unatady. Jankúierler úshin de boksshynyń tanymal bolǵany unaidy, alaida, qazaqtar ózin jarnamalai bermeidi. Atyńdy shyǵarý úshin tresh-toker bolý kerek siiaqty, biraq, bul meniń minezime jat dúnie", - deidi ol.
Aita keteiik, Eddi Hirn qazirgi tańda ózge qazaqstandyq boksshy Gennadii Golovkinniń aiqastaryn uiymdastyrýmen ainalysyp júr.
