Qazaqstandyq, álemniń 129-raketkasy Mihail Kýkýshkin US Open týrniriniń irikteý saiysyn jeńispen bastady, dep habarlaidy "Ult aqparat".
Irikteý saiystarynyń 13-raketkasy bolyp tirkelgen M.Kýkýshkin bastapqy kezdesýin dúniejúzilik reitingte 193-oryndaǵy frantsiialyq Matias Býrkpen ótkizdi.
Tartysty matchta qazaqstandyq tennisshi 4:6, 6:3, 7:6 (7:2) esebimen jeńiske jetti.
2 saǵat 40 minýtqa sozylǵan básekede M.Kýkýshkin 8 eis jasap, 10 breik-pointtyń ekeýin paidalandy. Qarsylasy 11 eis, 2 breikke (6 breik-point) qol jetkizdi.
M.Kýkýshkin irikteý saiystarynyń jartylai finalynda álemniń 168-raketkasy, taibeilik Djeison Djangpen sheberlik baiqasady.
Taǵy bir qazaqstandyq, reitingte 182-satyda turǵan Dmitrii Popko ózinen úsh saty joǵary turǵan sloveniialyq Blaj Roladan 2:6, 5:7 esebimen utylyp qaldy.
