Qazaqstandyq Mihail Kýkýshkin Ýimbldonda negizgi týrnirge joldama aldy, dep habarlaidy QazAqparat.
Qazaqstan tennis federatsiiasynan málim etkenindei, álemniń 160-raketkasy Kýkýshkin irikteý saiystarynyń finalynda dúniejúzilik reitingte 178-orynda turǵan majarstandyq Jombor Piroshpen kúsh synasty.
Qazaqstandyq tennisshi tórt sette 7:6 (7:3), 6:2, 4:6, 7:6 (7:0) esebimen jeńiske jetti.
Úsh saǵat 35 minýtqa sozylǵan kezdesýde Kýkýshkin 5 eis jasap, 7 breikke qol jetkizdi.
Osylaisha, qazaqstandyq tennisshi Ýimbldonda onynshy ret óner kórsetedi. Onyń bul «Úlken dýlyǵa» dodasyndaǵy úzdik kórsetkishi 2019 jyly tirkeldi. Sol jyly tórtinshi ainalymǵa deiin jetip, japoniialyq Kei Nishikorige ese jiberdi.
Qazaqstannyń birinshi, álemniń 39-raketkasy Aleksandr Býblik Istborn ATP 250 týrniriniń jartylai finalyna shyǵa almady. Ol álemniń 14-raketkasy, amerikalyq Teilor Fritstan utylyp qaldy - 3:6, 2:6.
