Kún jylynǵaly Petropavldy biotoǵannan taraǵan jaǵymsyz iis jailady. Turǵyndar búginde tereze ashýdan qalǵan, dep habarlaidy "Ult aqparat".
Petropavlda jaǵymsyz iistiń taraǵanyna birer apta boldy. Bul jaiynda áleýmettik jelide de talai ret aitylyp, turǵyndar narazylyq bildirdi.
Petropavl turǵyny Mariia Vichko – solardyń biri. Qolqany qabar jaǵymsyz iis ásirese keshe keshqurym kúsheigen. Esik-terezeni jaýyp úide otyrýdan basqa amaly qalmaǵan. Búgingi jańbyr da aýadaǵy iisti joimady.
«Qazgidromet» RMK SQO filialy mamandarynyń aitýynsha, aýany kúkirtsýtegi lastap jatyr. Qala syrtyndaǵy biotoǵannyń betindegi muz erisimen, ýly gaz aýaǵa taraǵan. Ótken túnde aýadaǵy kúkirtsýtektiń normadan 13 ese artqany tirkeldi.
«Aýanyń kúkirtsýtekpen lastanýy aldyn ala boljanyp, tirkelse, eskertý jariialanady. Kúkirtsýteginiń joǵary mólsheri keshe kesh tirkelip, sondyqtan qala halqyna habarlama joldanǵan joq», - deidi filialdyń zerthana meńgerýshisi Oksana Gordienko.
Mamandardyń sózinshe, adam kúkirtsýtektiń iisin shekti ruqsat etilgen kontsentratsiiasynan 3-4 mánge assa sezedi. Al 10-nan asqan jaǵdaida tiisti organdardy eskertýi qajet.
Petropavlda atmosferalyq aýanyń sapasyn 4 ekopost baqylaidy, olardyń ekeýi avtomattandyrylǵan.
