Foto: primeminister.kz
20 mamyrda QR Premer-ministri Álihan Smaiylov Úilestirý shtabynyń otyrysyn ótkizdi, onda eldi mekenderdi sýmen qamtamasyz etý sharalary qaraldy, - dep habarlaidy "Ult aqparat" Úkimettiń baspasóz qyzmetine silteme jasap.
Indýstriia jáne infraqurylymdyq damý ministri Marat Qarabaev Memleket basshysynyń tapsyrmasyna sáikes 2025 jyldyń sońyna deiin halyqty sapaly aýyz sýmen 100% qamtamasyz etý josparlanyp otyrǵanyn baiandady. Búgingi tańda aýyz sýǵa qoljetimdilik qalalarda – 98,4%-dy, aýyldarda – 94,5%-dy qurap otyr. Eń az qamtý Abai, Aqmola jáne Jambyl oblystarynyń qalalarynda, sondai-aq Aqmola, Qostanai jáne Soltústik Qazaqstan oblystarynyń aýyldarynda tirkelgen.
Biyl sýmen jabdyqtaý, sý burý júielerin salý jáne rekonstrýktsiialaýǵa respýblikalyq biýdjetten 402 jobany iske asyrýǵa 280 mlrd teńge bólindi. Jalpy, 2025 jylǵa deiin qalǵan 25 qala men 1 395 aýyldyń halqyn taza aýyz sýmen qamtamasyz etý qajet. Osyǵan bailanysty respýblikanyń árbir eldi mekenin qamtityn tiisti jospar ázirlendi. Onyń ishinde izdestirý-barlaý jumystaryn júrgizý, jobalaý-smetalyq qujattamany ázirleý jáne qurylys-montajdaý jumystarynyń barysyna monitoring júrgiziledi.
Toptyq sý qubyrlaryn salý jáne rekonstrýktsiialaý jumystarynyń barysy týraly Ekologiia vitse-ministri Nurken Shárbiev baiandady. Qostanai oblysynyń ákimi – Qumar Aqsaqalov, Túrkistan oblysynyń ákimi – Darhan Satybaldy, Batys Qazaqstan oblysynyń ákimi – Nariman Tóreǵaliev óńirlerde atqarylyp jatqan sharalarǵa toqtaldy.
Premer-Ministr mamyr aiynyń basynda Úkimet otyrysynda aýyz sý jobalary boiynsha «aiaqtalmaǵan qurylystar» týraly aitylǵanyn eske saldy. Olardy aiaqtaimyz degenshe, qoldanystaǵy infraqurylymdar jaramsyz bolyp qalýda.
«Aqtóbe qalasyndaǵy Qarǵaly shaǵyn aýdanynyń turǵyndary sýyq sý men ystyq sýdyń jii toqtap qalatynyna shaǵym aitýda. Aqmola oblysynyń Egindikól aýdanynda ábden tozyǵy jetken Nura sý ótkizgishi jalǵyz ózi 12 aýyldy sýmen qamtamasyz etip otyr. Ondaǵy sýdyń shyǵyny 70-80%-ǵa jetedi. Bul aýyldardyń turǵyndary qubyrlardyń jii jarylýynan ailar boiy sýsyz qalady», — dedi Álihan Smaiylov.
Ol sondai-aq Almaty oblysyndaǵy Talǵar aýdanynyń Kishi Baiserke aýylynda sý qubyry tolyq qýatynda jumys istemeitinin aitty.
«Bular biyl halyqtan resmi túrde kelip túsken 9 myń shaǵymnyń birneshe mysaly ǵana», — dep atap ótti Premer-Ministr.
Ol mundai kemshilikter tek búgin aitylǵan óńirlerge ǵana emes, kóptegen ákimdikterge tán ekenin aitty. Atap aitqanda, Abai, Jambyl, Atyraý, Almaty jáne Túrkistan oblystarynda jobalaý qujattary ázirlenbegen. Sondai-aq 154 aýylda sý tazartý modýlderin ornatý qajettiligine qaramastan, Almaty, Batys Qazaqstan, Qyzylorda jáne Túrkistan oblystarynyń ákimdikteri bul jumystarǵa qajetti qarajatty tolyq kólemde qarastyrmaǵan.
«Cý máselesiniń úlken áleýmettik mańyzdylyǵyn eskere otyryp, árbir óńir, ásirese eń tómen kórsetkishteri bar oblystar jumysty jandandyrýy kerek. Indýstriia ministrligi baqylaýdy barynsha kúsheitýi tiis», — dedi Álihan Smaiylov.
Onyń aitýynsha, júrgizilip jatqan jumystaǵy taǵy bir mańyzdy blok – sý salasyn tsifrlandyrý.
«Sýmen jabdyqtaýdaǵy óndiristik protsesterdi avtomattandyrý sýdy tiimdi tutynýdy qamtamasyz etedi. Bul sýdyń shyǵyndaryn jáne jeliler men jabdyqtardyń buzylýyn azaityp, qarjy únemdeýge múmkindik beredi. Osy baǵyt sheńberinde biylǵy jyldyń sońyna deiin "Sý resýrstary" modýli bar Tabiǵi resýrstardyń interaktivti kartasy engizilýi tiis. Sondai-aq barlyq qondyrǵylar men gidroqurylystar esepteý quraldarymen jabdyqtalýy kerek», — dep atap ótti Úkimet basshysy.
Qorytyndylai kele, Álihan Smaiylov aýyz sý boiynsha «saqaldy qurylystardyń» barlyǵyn tezdetip aiaqtaý máselesin pysyqtaýdy, óńirler ákimdikteri kelesi jyly sý berý josparlanyp otyrǵan 115 eldi meken boiynsha jobalaý qujattaryn osy jyldyń sońyna deiin aiaqtaýdy qamtamasyz etýdi, 22 aýylda izdestirý-barlaý, sondai-aq 20 qalany sýmen jabdyqtaý jáne sý burýdyń óndiristik protsesterin avtomattandyrý boiynsha jobalaý qujattaryn daiyndaý jumystaryn aiaqtaýdy tapsyrdy.
