Kýba Prezidenti Migel Dias-Kanel Bermýdes Eýraziialyq ekonomikalyq odaq elderinen keletin týrister úshin qolaily jaǵdai jasalatynyn aitty, dep habarlaidy QazAqparat.
«Birlesken is-qimylda týrizm sektory eleýli perspektivaǵa ie. Bul rette Reseimen arada osy sala boiynsha jaqynda tiisti qadamdar jasaldy. EAEO-ǵa múshe elderden keletin týrister úshin qolaily ári tartymdy jaǵdai jasaýǵa daiynbyz», - dedi Kýba Prezidenti Joǵary Eýraziialyq ekonomikalyq keńestiń otyrysynda.
Osy oraida ol Kýbanyń týristik oryndary jaiynda EAEO elderinde keńinen málimet berý turǵysynda usynys aitty.
«15 qarashadan bastap kýbalyqtardyń 90 paiyzdan astamy vaktsinalanady. Bizdiń shekaralar birtindep ashyla bastaidy, sondai-aq elge keletin jolaýshylar úshin sanitarlyq-gigienalyq hattama talaptary jeńildetiledi, jolaýshylardan PTR-test suralmaidy. Vaktsinalaý týraly sertifikattar moiyndalady. Osy oraida Reseiden, Belarýsten, Qazaqstannan, Qyrǵyzstannan jáne Armeniiadan meimandardy kútemiz», - dedi ol.
