Almaty oblysynda 15 jastaǵy oqýshy qýattaǵyshta turǵan telefonnan toq soǵyp mert boldy. Qaiǵyly jaǵdai Jambyl aýdanyndaǵy Qarǵaly aýylyndaǵy úilerdiń birinde bolǵan, dep habarlaidy "Ult aqparat".
«Qaiǵyly jaǵdai 26 qyrkúiek kúni túngi saǵat 22:00 shamasynda bolǵan. Toq soǵý saldarynan 15 jastaǵy turǵyn mert boldy. Aldyn ala boljam boiynsha, qyzdyń uialy telefony qýattaǵyshta turǵan. Qazir arnaiy saraptama taǵaiyndaldy», - delingen Almaty oblystyq Politsiia departamenti baspasóz qyzmetiniń habarlamasynda.
Esterińizge sala keteiik, osydan bir jyl buryn Almaty oblysynda uialy telefonyn janynda ustap uiyqtaǵan 9 synyp oqýshysy qaitys boldy.
Politsiianyń aqparatyna sáikes, 14 jastaǵy qyzdy qýattaǵyshta turǵan uialy telefonnan toq soqqan. Sol kezde Almaty oblystyq Politsiia departamentiniń baspasóz qyzmeti 9 synyp oqýshysynyń qazasyna bailanysty qylmystyq is qozǵalmaǵannyn jetkizdi. Sebebi bul fakti oqys oqiǵa retinde tirkelgen. Biraq Qaratal aýdanyndaǵy Politsiia bólimindegiler tiisti tekserý jumystaryn júrgizgen bolatyn.
